![](https://blogger.googleusercontent.com/img/b/R29vZ2xl/AVvXsEjMRKoivRjSIU-V9O0qCnxUE2k2xyjRldAnKF4X6aBoFK3O_ROddSnHg6LhlpeIQJPTmg98v7idR_lga9ljLhiDx6WDSJf7iKkytGqG_q7g4S-6qUG5EOj-fZwLUcBTuWgcb6d-RA/s320/K%C3%B6rfubolti.jpg)
Fór á ættarmót á Reykhólum. Komum um miðja nótt, í kolniðarmyrkri, hífandi roki og rigningu. Hitinn var 7 gráður um daginn svo það má reikna með að það hafi verið eitthvað kaldara þarna um nóttina:o/ Eins og sönnum Vestfirðingum, galdramönnum og kynjakonum sæmir þá náðum við að tjalda í þessum ósköpum með okkar yfirnáttúrulegu kröftum. Með okkur í för voru tvö útlendingsgrey sem voru að byrja ferð sína um Ísland og leist þeim engan veginn á blikuna! Ég hefði nú sagt þeim að það væri nú ekki beinlínis gott veður á Íslandi og svona frekar kalt....en á þessu hefðu þau engan veginn átt von á!!
Stolt okkar sem vestfirskum hetjum var svo kollvarpað daginn eftir þegar súlur tjaldanna brotnuðu í hópum, tjaldvagninn míglak og við þurftum að sofa inni næstu nótt:o/
Alltént var þetta alveg stórskemmtileg helgi því fjölskyldan er öll svona skemmtileg eins og ég;o)Tókum gamla og góða slagara eins og Úlpan mín, Þriðjudagskvöld, Birgir þú átt von og fleira og fleira! Fórum í grísaleikinn stórskemmtilega þar sem sköpunargleðin er við völd, dönsuðum, grilluðum, drukkum og rifumst...og ég malaði Gaua bró í körfubolta eins og sést á meðfylgjandi mynd sem mér finnst svo óendanlega fyndin....en er kannski ein um það??
Jæja Þórunn, bollinn er orðinn gamall;o)